عيناوي غرام

عالم من التميز والابداع...نسعى للرقي دائما.
 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 الجمــــهــــرهـ .. حــامد زيــد..

اذهب الى الأسفل 
كاتب الموضوعرسالة
متكحله بتراب زايد

avatar

المساهمات : 105
تاريخ التسجيل : 30/05/2008

مُساهمةموضوع: الجمــــهــــرهـ .. حــامد زيــد..   الثلاثاء يونيو 17, 2008 6:53 am

الجمــــهــــرهـ .. حــامد زيــد


اي بالله اخطوا والخطا الي جابهم عين الصواب
مبطي وانا اشوف الطمع يكشف رداهم واستره

مايملي عيون الحسود بهالزمن غير التراب
ومن لايتوب من الخطا تحرم عليه المعذره

اللي من أولها خراب اكيد تاليها خراب
والبندق الي ماتثـّــور في هدفها تذعره

ودك اليا من جاتك الغلطه من الناس القراب
الصاحب الي ماكسبت بمحبته ماتخسره

مشكلتي اني ماعرفت احسب لصدتهم حساب
قلطتهم صدري على ذكري قصيد وحنجره

صوت يصول بمنبره وخطاب مابعده خطاب
والطيبه الي زعزعت صوت الخطيب ومنبره

مافيه دمع صوبوه أحبابي بوجهي وخاب
ولازرق حزني على غالي ولا فج نحره

كل الزهاب الي معي ذكرى من أصحاب الزهاب
والي بقالي من عذاب أشرس طريقي وأخطره

لأني تجنبت الغرق عديت من فوق السحاب
لأن أكثر أصحابي ورق ماشفت للطيب ثمره

والله ماحطيت بين الحقد والخـّــوه حجاب
حتى غدوا ربعي يحدّوني على الضيق أشكره

البارحه ثارت على أرقاب وآوتني أرقاب
البارحه ياثقل دم البارح ويا محقره

أهب يا وجه الحسد وشلون جمعهم وغاب
كيف السنين الى عطتني بعثرتهم بعثره

أثر المصايب ماتجيك الا من الناس القراب
وبهالزمن حتى الرفيق الي تثق فيه احذره

لابارك الله في رفيق تزعله كلمة عتاب
ولا جمع الله الرجال الي تفرقهم مَرَه

عودت نفسي كل ماشددت لليمّه ركاب
ماصد وجهي عن طريق الا ليا جبت خبره

الصاحب الي مايجي من صحبته غير العذاب
نذر على ان ماهجرني والا انا الي بهجره

من يفتح لفرقاي باب أفك له عشرين باب
وإذا خويي مايقدّر خوتي ماقدره

ان روّحوا فأنا بري منهم ليوم الحساب
وان جرحوا قولولهم ماحركوا فيّ شعره

شفهم لهم حول السنه ولا خذوا مني جواب
أحسن دوا للي يحاول يستفزك تحقره

أنا جمعت أوراقهم بكتاب وأغلقت الكتاب
ياوقت لم الي تلمّـه وانثر الي تنثره

ماكنت احاتيهم صغير عاد أحاتيهم شباب
ان ما ذخرني صاحبي لليوم الأسود ما أذخره

عقب اكتئاب البارحه ماعاد انا حمل اكتئاب
الطيب جرجرني وأنا ماني بناقص جرجره

الي يخاف من الظما يترك لنا طرد السراب
والي مهو بقد الظلام ووحشته لايسهره

أنا تجرعت العطش لين احترق وجهي وذاب
أنا كسرت بخاطري قبل الصداقه تكسره

أنا خسرت الي غيابه غير عن كل الغياب
أنا غفرت لعالم ماتستحق المغفره

أنا أكثر انسان تعلم من كثر ما أخطى و اصاب
أنا آخر لسان يتكلم في زمان الثرثره

أنا القصيد الي فزع من دفتره مليون ناب
وأنا الوحيد الي جمع مليون ناب بدفتره

جفني وجرحّـه السهر حيلي وهدتـّه الصعاب
دمعي هدر ضحكي ندر عمري وضيعت أكثره

شيـّـبت في عقول العرب هيّـبت روس ماتهاب
جمهرت ناس عمرهم مايعرفون الجَمهَره

ماصرت ذيب الا لأن الي حواليني ذياب
ماكنت اغيب الا لأن العفو عند المقدره

ترى حلاتك لاحملت لصاحبك كلمة عتاب
ان ما نطقت بها بوجهه ماتذمه بظهره

في هالزمن مايملي عيون الحسود الا التراب
ولا الحظيظ الطلقه الي ماتصيبه تذعره

ودك اليا من جاتك الغلطه من الناس القراب
الصاحب الي ماكسبت محبته ما تخسره


اختكم (متكحله بتراب زايد)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
قلب خلي^^

avatar

المساهمات : 22
تاريخ التسجيل : 03/06/2008

مُساهمةموضوع: رد: الجمــــهــــرهـ .. حــامد زيــد..   الثلاثاء يونيو 17, 2008 7:55 pm

ان روّحوا فأنا بري منهم ليوم الحساب
وان جرحوا قولولهم ماحركوا فيّ شعره



يسلموووو خييتووو

اختجــSmile
قلــــــــــــ خلـــي ــــــــب^^
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نشميهـ

avatar

المساهمات : 16
تاريخ التسجيل : 05/06/2008

مُساهمةموضوع: رد: الجمــــهــــرهـ .. حــامد زيــد..   الثلاثاء يونيو 17, 2008 10:45 pm




شيـّـبت في عقول العرب هيّـبت روس ماتهاب
جمهرت ناس عمرهم مايعرفون الجَمهَره


يسلمووووووووو



خوووووووووويتكمـ

نشميهـ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الجمــــهــــرهـ .. حــامد زيــد..
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عيناوي غرام :: الفئة الاولى :: عيناوي غرام للقصائد والخواطر-
انتقل الى: